Cart 0

Hinter dera Maska isches dunkel

Anderi händ as völlig «normals» Leba. Sie werdend gebora, wachsend uf, kultiviarend paar Hobbies, lernend a relativ coola Partner kenna, züügend zimli überzüügt as herzigs Kind, machend no bitz halbherzig Karriera, suachend as langwiiligs Huus ir Pampa und irgendwenn noch Mitti 30 sinds verwirrt, wia schnell das alles ganga isch, währends über da Churer Postplatz dr Poppawaaga schiabend.

I denka, i verzell eui jetzt dia Gschicht, warum i miar as halbs Leba lang gwünscht han as mögi bitte akli schneller goh und nocher as halbs leba Lang betet han as mögi endli kli langsamer werda …

Paar letschti Shots, okay?

 

Der Autor

Dr Gian-Marco Schmid (*1980) isch unteram Nama Gimma als Rapper bekannt gsi. Etz ischer nüma Rapper sondern Werbetexter und Kolumnischt. Er wohnt immerno in Graubünda und schriibt am liabschta so wianer redet, nämli so. Und er mags nid, wema ihm bim nüüssa zualuagt. Aber wer mag das schu …

 

CHF 30.00